1979 Fabanola e o televexo

Coa estrea de Fabanola e o televexo o 4 de marzo de 1979 na IV Feira do Queixo de Arzúa nace a compañía Os Monicreques.

OS MONICREQUES formada por Marcelino de Santiago (Kukas), Isabel e Rosa Rey coa colaboración nesa primeira función de Jacobo Remuñan e J.L. Botana.
Pronto incorporase ó grupo Fernando Pedrido.
Neste primeiro ano de vida son moitas as peripecias que vive o grupo, dende a desfeita do seu teatriño o día da estrea que lles obrigou nos primeiros meses de existencia a ter que utilizar 2 pancartas para actuar, unha diante que os ocultaba da vista do público e outra detrás pintada a xeito de decorado, e que suxeitaban os membros das comisións de festas.

Dan a coñecer e asentan o teatro de marionetas en Galicia tralo baleiro deixado popularmente pola desaparición de Barriga Verde.
Recuperan ó tempo o espírito das Misións Pedagóxicas dos anos 30 levando os fantoches a tódolos currunchos da xeografía galega.
Representan espectáculos en galego contribuíndo á normalización da lingua galega,especialmente entre o público infantil.
Crean espectáculos didácticos, non violentos e de participación.