Galería de arte virtual online de obras de arte formadas por debuxos, pinturas e fotografías de Marcelino de Santiago Viqueira “KUKAS”
Dende que realizou a súa primeira exposición de pintura aos 13 anos Kukas segue creando
empregando as mais diversas técnicas e formas de expresión artística que abranguen dende
a pintura ou a fotografía, pasando polo deseño gráfico ou a iluminación de pergameos ata
as artes escénicas nas que mesmo dirixe, que actúa, que anima monicreques ou deseña figurinos
i escenografías, sen esquecer a súa contribución á música como gaiteiro ou a literatura como
poeta, narrador e dramaturgo.
Nos anos 70 participa na fundación do FOGA (Fato de Ounirismo Galego) que supuxo un
revulsivo na arte galega da época. Nos anos 80 é membro fundador do Colectivo Tornillo
formado por artistas de diferentes disciplinas.
Dende hai case 50 anos dirixe Os Monicreques de Kukas, a primeira compañía galega
de teatro de monicreques contemporánea, traballo polo que ten recibido numerosos premios
e recoñecementos como o Premio Galicreques, Premio da Crítica de Galicia, Premio da Cultura de Galicia,
Premio Xiria, o Xograr de Outono, Mención de Honra do Cdtb de Bilbao.
