Os Monicreques de Kukas estreamos dous novos lambe-lambe
no XI TITIRIBERIA o 18 de agosto en Rianxo.
Despois de crear os lambe-lambe Gernika (danos colaterais) e
S. O. S emerxencia ambiental a compañía Os Monicreques de Kukas continuamos a
nosa exploración dos títeres con dúas novas producións que dialogan entre o
pasado e o presente, entre a música e a lírica de W. A. Mozart e Manoel Antonio
coa interpretación plástica, visual e teatral de Kukas e Isabel, investigando
ademais na relación escénica entre a animación das marionetas e as vídeo
proxeccións.
Estes novos lambe – lambe ou tutilimundi son:
DIVERTIMENTUM MUSICUM
É unha brincadeira musical para coro e orquestra con música de
Mozart e monicreques e autómatas.
A caixiña evoca a un teatro en miniatura no que nesta ocasión recreamos
o telón de boca do Teatro Perincipal de Santiago e o retrato de Mozart na
miriña pola que obsevaremos a breve representación musical.
Banda sonora
SÓS, O MAR, O BARCO E MAIS NÓS
É un poema escénico e visual inspirado no poema Sós do poemario
De catro a catro do poeta rianxeiro Manoel Antonio.
Con manipulación de monicreques, obxectos e vídeo proxeccións creadas
a partires de debuxos e pinturas orixinais de Kukas e animadas con IA.
A caixiña representa ao caderno orixinal no que o poeta Manuel Antonio
escribiu o poemario que nos inspirou para crear esta obra.
