GERNIKA (danos colaterais) estreouse o 27 de xullo do 2022 no concello de Rianxo no Festival de Títeres Tradicionais TITIRIBERIA.
GERNIKA (danos colaterais) é unha obra de teatro mínimo da modalidade teatral coñecida como “tutilimundi” ou “lambe – lambe”.
Teatro visual no que dende a fiestra asistimos ao instante no que unha vila vese transformada en cascallos e ruinas.
Mentres nas rúas e nas prazas a vida transcorre coma decote…De súpeto! nun intre todo pode mudar e a vida trocarse nun inferno e nunha sen razón…
O bombardeo da vila de Gernika e a pintura de Picasso son un símbolo do horror e sen razón queas guerras provocan. Mentres nas rúas e nas prazas a vida transcorre coma decote…De súpeto! nun intre todo pode mudar e a vida trocarse nun inferno e nunha sen razón…
A Real Academia Española menciona o termo tutilimundi por primeira vez na súa edición de 1884 considerándoo como sinónimo de “totilimundi”, “mundinovi” e “mundonovo” e defíneo coma: “unha arca en forma de escaparate e dentro vense varias figuras de madeira que se moven ao redor.
Hai outras que se ven por un vidro graduado que aumenta os obxectos e van pasando varias perspectivas de pazos, xardíns e outras cousas”.
Autor e intérprete:
Marcelino de Santiago Viqueira (Kukas)
Dirección: Isabel Rei Pousada
Aforo máximo: 1 persoa por pase
Duración pase: 5 minutos e 1 segundo
Sesión: 2 horas cada sesión
Máximo 2 sesións por día
Criticas de (GERNIKA)
Trailer GERNIKA (danos colaterais)
